திஸ்பூர்: அரிய வகை நோயால் பாதிக்கப்பட்டுள்ள சிறுவனுக்கு, சிகிச்சை அளிக்க முடியாமல் அவனது பெற்றோர் தவித்து வருகின்றனர்.
அசாம் மாநிலம் பர்பெட்டா பகுதியில் வசிக்கும் ஷாஹனுர் அலம்(7) என்ற சிறுவனுக்கு அரிய வகை நோய் ஏற்பட்டுள்ளது. அதன்படி, அவனுடைய வயிறு பானை போல் வீங்கி வருகிறது. தற்போது வரை வயிற்றின் வீக்கம், 2 கால்பந்துகள் அளவிற்கு காணப்படுகிறது. அதனால் அவன் எந்த வேலையையும் செய்ய முடியாமல் படுத்த நிலையிலேயே உள்ளான். இதுகுறித்து பதிலளித்து பேசிய மருத்துவர்கள், பித்த நீர் சுரக்கும் நாளங்களில் ஏற்பட்ட பிரச்னையால் சிறுவனுக்கு இந்த நோய் ஏற்பட்டுள்ளதாக தெரிவித்துள்ளனர்.30
அவனுடைய அறுவை சிகிச்சைக்கு ரூ.2 லட்சம் வரை செலவாகும் என்றும், விரைவில் அறுவை சிகிச்சை செய்யாவிடில் ஷாஹனுர் உயிரிழக்க நேரிடும் என்றும் கூறியுள்ளனர். அவனது குடும்பம் வறுமையில் தவித்து வருவதால், சிகிச்சைக்கு உதவி செய்யுமாறு கோரிக்கை விடுத்துள்ளனர்.