Sports

கோலியை கிண்டலடித்த வங்காள தேச வீரர் ரூபல் ஹூசைன் கண்டுகொள்ளாத கோலி

வீராட் கோலியின் காதலி அனுஷ்கா நடித்து வெளியான என்.எச்.10 திரைப்படத்தை பார்த்துவிட்டு, என் லவ் அனுஷ்கா சூப்பரா நடித்துள்ளார் என்று டிவிட்டரில் கோலி கமெண்ட் போட்டுள்ளார்.இவர் படம் பார்த்தது நேற்று முன்தினம் இரவு. உடனடியாக டிவிட்டரில் கமெண்ட் போட்டதுடன், இன்ஸ்டாகிராமில் போட்டோவையும் ஏற்றிவிட்டுள்ளார்.

இந்த நிலையில் இன்று வங்காளதேசத்திற்கு எதிரான இன்றைய கால் இறுதி போட்டியில் வீராட் கோலி 3 ரன்களில் அவுட ஆனார்.

தவான் அவுட் ஆனதும், விராட் கோலி பேட் செய்ய மைதானத்திற்குள் வந்தபோதே, வங்கதேச பவுலர் ரூபல் அவரிடம் சென்று ஏதோ சொல்லிவிட்டு சிரித்தார். இதை பார்த்த ரசிகர்களும், ஏதோ பழைய நண்பர்கள் சந்தித்து பேசிக்கொள்கிறார்கள்போல என நினைத்துக் கொண்டனர்.17.4-வது ஓவரில் ரூபல் ஹுசைனின் பந்துவீச்சை எதிர்கொண்ட கோலி 3 ரன்களில் அவுட் ஆனார். ஹுசைன் பந்துவீச்சில் கோலி ஷாட் அடித்தபோது விக்கெட் கீப்பர் ரஹிம் கேட்ச் பிடித்தார். கோலி 8 பந்துகளில் 3 ரன்கள் மட்டுமே எடுத்து ஆட்டம் இழந்தார்.

கோலி அவுட் ஆனதும், ரூபல் அவரை நோக்கி ஆக்ரோஷமாக எதையோ சொல்லியபடி கத்தினார். நெஞ்சை நிமிர்த்தி திமிறியபடி நின்ற அவரை சக வீரர்கள் சேர்ந்து பிடித்து வைத்தனர். அவரது நடவடிக்கைகள் மிகவும் ஆக்ரோஷமாக இருந்தன. ஆனால், கோலிஇதை கண்டு கொள்ளாமல் பெவிலியனை நோக்கி நடந்து சென்றார்.